Сонгинохайрхан дүүргийн Онцгой байдлын хэлтсээс аж ахуй нэгж байгууллагуудад гамшгийн эрсдэлийн ерөнхий үнэлгээг хийж, байгууллага бүрийн онцлогт тохируулан гамшгийн эрсдэлийг бууруулах зөвлөмж, төлөвлөгөө боловсруулахад мэргэжил арга зүйн дэмжлэг үзүүлэх ажлыг тогтмол зохион байгуулдаг. Энэхүү ажлын хүрээнд 2021 оны 06 дугаар сарын 18-ны өдөр дүүргийн 39 дүгээр хорооны нутаг дэвсгэрт үйл ажиллагаа явуулдаг 284 дүгээр цэцэрлэгт гамшгийн эрсдэлийн ерөнхий үнэлгээг Онцгой байдлын хэлтсийн Гамшгийн эрсдэлийн удирдлага, үнэлгээ, дотоод ажил хариуцсан мэргэжилтэн, дэслэгч Б.Цэцэгдэлгэр, тус цэцэрлэгийн багш ажилтныг оролцуулан хийж, зөвлөмжийг хүргүүлэн ажиллаа.

Сонгинохайрхан дүүргийн Засаг даргын 2021 оны 06 дугаар сарын 14-ний өдрийн баталсан “Үер усны аюулаас урьдчилан сэргийлэх бэлэн байдлыг хангуулах ажил зохион байгуулах тухай” удирдамжийн хүрээнд үерийн аюулаас урьдчилан сэргийлэх нэгдсэн арга хэмжээг 2021 оны 06 дугаар сарын 17-ны өдрөөс 06 дугаар сарын 25-ны өдрүүдэд дүүргийн Онцгой байдлын хэлтэс, Тохижилт нийтийн аж ахуйн хэлтэс, Гэр бүл хүүхэд залуучуудын хэлтэс, Газар зохион байгуулалтын алба,   Улаанзагалмайн хороо  хамтран үерийн эрсдэлтэй бүсэд буусан айл өрхөд мэдэгдэл хүргүүлэх, иргэдэд  урьдчилан сэргийлэх заавар, зөвлөмж өгөх ажлыг зохион байгуулж байна. Энэхүү ажлын хүрээнд 2021 оны 06  дугаар сарын 17-ны өдөр  дүүргийн  40 дүгээр хорооны нутаг дэвсгэрт  үерт өртөх эрсдэл бүхий 120 айл өрхөд  Онцгой байдлын хэлтэс, Газар зохион байгуулалтын албаны хамтарсан “Мэдэгдэх хуудас”-ыг хүргүүлж, иргэдэд үерийн аюулаас урьдчилан сэргийлэх, ариутгал халдваргүйжүүлэлтийг тогтмол хийх заавар зөвлөмжийг өгч ажиллаа.

Сонгинохайрхан дүүргийн Онцгой комиссын үерийн аюулаас урьдчилан сэргийлэх ажлын хэсэг өнөөдөр хуралдлаа. Хуралдаанд Сонгинохайрхан дүүргийн Засаг дарга, Онцгой байдлын хэлтэс, Мэргэжлийн хяналтын хэлтэс, Тохижилт нийтийн аж ахуйн хэлтэс, Газар зохион байгуулалтын алба, УБЦТС ТӨХК-ний Сонгинохайрхан хэрэглэгчдэд үйлчлэх төвийн дарга нар болон бусад холбогдох албаны мэргэжилтэн албан хаагчид оролцлоо.

Ажлын хэсгийн үйл ажиллагааны төлөвлөлт, бэлтгэл бэлэн байдлыг хэрхэн хангуулж байгаа талаарх нөхцөл байдалтай Сонгинохайрхан дүүргийн Засаг дарга Н.Алтаншагай танилцаж гишүүдэд үүрэг чиглэл өглөө. Тэрээр үер усны гамшгийн үеэр шуурхай албаныхан хүн хүч тоног төхөөрөмжийн бэлэн байдлыг бүрэн хангаж ажиллах, байгууллага бүр үер усны үед ажиллах төлөвлөгөөний тодотгол хийх, авто замын доогуур байгаа инженерийн шугам сүлжээний цэвэрлэгээ, нэвтрэх чадварт байнга хяналт тавьж ажиллахыг үүрэг болгосон.

Хуралдаанаар үер усны гамшгийн үед нийтийн эзэмшлийн зам талбай дээр их хэмжээний ус тогтох, замын хөдөлгөөнд саад учруулах, нүхэн жорлонд ус орж хальсан тохиолдолд хөрсний ариутгалыг хийх, үерийн аюултай бүсэд буусан айл өрхүүдэд сэрэмжлүүлэх хүргүүлэх, үерийн далан сувагт үзлэг шалгалтыг зохион байгуулахаар хэлэлцэж дээрх ажлуудыг үе шаттайгаар зохион байгуулахаар боллоо.

Урин дулааны үе, аялал зугаалгын улирал эхэлсэнтэй холбоотойгоор иргэд голын эрэг дагуу амарч, зугаалах нь ихсэж, усанд осолдох эрсдэл нэмэгдэж байна. Иймд Сонгинохайрхан дүүргийн Онцгой байдлын хэлтсээс 2021 оны 06 дугаар сарын 10-ны эхлэн Сонсголонгийн гүүрнээс Яармагийн гүүр хүртэлх Туул голын эргэ дагуу амарч зугаалж байгаа иргэдэд усны ослоос урьдчилан сэргийлэх, сэрэмжлүүлэг хүргэх хөдөлгөөнт эргүүлийг өдөр бүр зохион байгуулан ажиллаж байна.

Тус арга хэмжээний хүрээнд Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид өнөөдөр буюу 2021 оны 06 дугаар сарын 14-ны өдөр 10:00-19:00 цагийн хооронд Сонсголонгийн гүүрнээс Яармагийн гүүр хүртэлх Туул голын эргэ дагуу амарч зугаалж байгаа 46 иргэнд усны ослоос урьдчилан сэргийлэх, сэрэмжлүүлэг хүргүүлж ажиллаа.

Сүүлийн өдрүүдэд орсон хур борооны улмаас Туул гол үерлэсэн байгаа тул Иргэн та:

Иймд:

– Гол, мөрөн нуурын ойролцоо амарч зугаалахдаа сонор, сэрэмжтэй байх,

– Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх,

– Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах,

– Согтууруулах ундаа хэрэглэсэн үедээ гол усанд орохгүй байх,

– Баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг Сонгинохайрхан дүүргийн Онцгой байдлын хэлтсээс анхааруулж байна.


Катар улсын Улаан хавирган сар нийгэмлэгээс хэрэгжүүлж байгаа “Warm Winter” төслийн хүрээнд Сонгинохайрхан дүүргийн Улаан загалмайн хорооноос тус хэлтсийн нэг алба хаагчид гэрийн дулаалга, бүрээс, өрх, дээврийн хүлээлгэн өглөө.

Биднийг дэмжин ажилладаг  СХД-ийн Улаан загалмай хороонд Онцгой байдлын алба хаагчдынхаа нэрийн өмнөөс чин сэтгэлийн талархал ирэлхийлье.

Урин дулаан цаг ирж иргэд голын эрэг дагуу амарч зугаалах нь нэмэгдэж байгаатай холбогдуулан гол, усны ослоос урьдчилан сэргийлэх эргүүл хяналтын ажлыг өнгөрсөн амралтын өдрүүдэд дүүргийн Онцгой байдлын хэлтэс Хан-Уул дүүргийн Онцгой байдлын хэлтсийн алба хаагчидтай хамтран зохион байгуулан ажиллалаа.

Усны ослоос урьдчилан сэргийлэх хамтарсан эргүүл хяналтын явцад асран хамгаалагч болон хараа хяналтгүй явж байсан 37 хүүхэд, 87 том хүнд урьдчилан сэргийлэх зөвлөмж мэдээлэл хүргэж ажиллалаа.

Долоо хоног бүрийн даваа гарагт Онцгой байдлын хэлтсийн нийт бие бүрэлдэхүүн Төрийн далбааг мандуулж, баасан гараг бүрт Төрийн далбааг буулгах нэгдсэн үйл ажиллагааг хийж хэрэгжүүлдэг билээ.

Дээрх үйл ажиллагааны дараа тус хэлтсийн дарга, хурандаа А.Алтансүх алба хаагчдын цэргийн дүрэмт хувцсанд үзлэг зохион байгуулж, сахилга хариуцлага, ёс зүйн зөрчил дутагдал гаргахаас урьдчилан сэргийлэх талаар үүрэг чиглэл өгч ажиллалаа.

Өнөөдөр тус хэлтсийн нийт бие бүрэлдэхүүнд Онцгой байдлын ерөнхий газрын 03 дугаар албан даалгаварын хэрэгжилт, алба хаагчдад сахилга хариуцлага, ёс зүйн зөрчил гаргахгүй байх талаар хэд хэдэн үүрэг чиглэл өгөхөөр 05:58 цагт “Яаралтай цуглар” дохио өгч хэлтсийн нийт бие бүрэлдэхүүнийг нэгдсэн үйл ажиллагаанд орууллаа.

Дээрх нэгдсэн үйл ажиллагаанд нийслэлийн Онцгой байдлын газрын Тэргүүн дэд дарга, хурандаа Д.Мөнхсайхан, Захиргааны удирдлагын хэлтсийн дарга, хурандаа Б.Баттулга нар ирж нийт алба хаагчдад сахилга хариуцлагыг дээшлүүлэх, ёс зүйн зөрчил гаргахгүй байх талаар үүрэг чиглэл өглөө.

received_1918293561654614.jpeg

Улс даяар Гамшгаас хамгаалах өндөржүүлсэн бэлэн байдлын зэрэгт шилсэнтэй холбогдуулан 2021 оны 05 дугаар сарын 22-ны өдрийн 06.00 цагаас эхлэх авто тээврийн шалган бүртгэх товчоодоор орох, гарах хөдөлгөөнийг нээх тухай УОК-ын 46 дугаар тушаал гарсан.

Дээрх шийдвэр гарсан өдрөөс эхлэн авто тээврийн шалган бүртгэх товчоогоор орон нутаг руу зорчих хөдөлгөөний ачаалал ихээхэн нэмэгдэж байна. Дээрх нөхцөл байдлын талаар Онцгой байдлын хэлтсийн дарга хурандаа А.Алтансүх газар дээр нь ажиллаж ТВ9 телевизээр дамжуулан иргэдэд зөвлөмж, мэдээ мэдээлэл хүргэн ажиллалаа.

Улс даяар Гамшгаас хамгаалах өндөржүүлсэн бэлэн байдлын зэрэгт шилсэнтэй холбогдуулан 2021 оны 05 дугаар сарын 22-ны өдрийн 06.00 цагаас эхлэх авто тээврийн шалган бүртгэх товчоодоор орох, гарах хөдөлгөөнийг нээх тухай УОК-ын 46 дугаар тушаал гарсан.

дээрх шийдвэр гарсан өдрөөс эхлэн авто тээврийн шалган бүртгэх товчоогоор орон нутаг руу зорчих хөдөлгөөний ачаалал ихээхэн нэмэгдэж байна. Дээрх нөхцөл байдлын талаар Онцгой байдлын хэлтсийн дарга хурандаа А.Алтансүх газар дээр нь ажиллаж ТВ9 телевизээр дамжуулан иргэдэд зөвлөмж, мэдээ мэдээлэл хүргэн ажиллалаа.

Үер, усны аюулаас сэрэмжлээрэй

✅Үер усны үед хоол хүнсээ бохирдохоос сэргийлэх

✅Үер, усны аюулын талаар хүүхдэд анхааруулга, сэрэмжлүүлэг өгөх

✅Хүүхдийг хараа хяналтгүйгээр гол мөрөн, нуур, цөөрмийн орчимд тоглуулахгүй, мөн ганцааранг нь орхихгүй байх

✅Үер, усны аюулын сэрэмжлүүлэг, мэдээ, дохиог хэвлэл мэдээллийн хэрэгсэл, мэдээллийн бусад эх сурвалжаас тогтмол хүлээн авч сэрэмжлэх, бусдад дамжуулах

✅Гэр, хашаа, саравч, орон байрыг үерийн усны зам, голын голдрил, гуу жалга, хуурай сайр, ус хальдаг эрэг, татамд барихгүй байх

✅Үерийн аюултай бүс нутгаас нүүх

✅Үер, усны аюулаас хамгаалах далан, суваг, шуудуу, хашлага барих

✅Өндөр хүчдэл, цахилгааны дор гэр, сууцаа барихгүй байх

✅Гэр бүл, хамт олон, найз нөхдөөрөө амралт, аялал зугаалгаар явахдаа нэгдсэн зохион байгуулалттай явах, архи согтууруулах ундаа хэтрүүлэн хэрэглэхгүй байх

✅Гол усны ойролцоо амарч зугаалахгүй байх

✅Бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинаар зорчих

✅Голуудын усны түвшин буураагүй байгаа тул голын усанд орох /тогтоол ус/, сэлэх, голын эрэг дагуу удаан хугацаагаар байрлахгүй байхыг Онцгой байдлын хэлтсээс СЭРЭМЖЛҮҮЛЖ байна.

Үерийн аюулаас байнга сонор сэрэмжтэй байхыг анхааруулж байна | News.MN